ஆசிரியர்தின வாழ்த்துமடல்
கற்பித்தல் பணியில்
அயராது உழைத்து
சேவை குணத்தால்
வரலாறு படைத்திடும்
அறிவில் சிறந்த
ஆசிரியச்சான்றோரே !!
உங்கள் சேவை
தேவை! தேவை !
உழைக்கும் மக்களின்
தலைமுறை மாற்றம்
நேர்வழி உயர
கல்வியே ஆயுதம்
பண்பில் சிறந்து
அறிவால் உயர்ந்து
வெற்றிகள் குவித்து
வரலாறு படைத்திடும்
இக்கனவுகள் பலித்திடும்
உம் துணையுடனே !
வெற்றியின் படிகளை
விரும்பியே சுமந்து
மாணவர் சமுதாயம்
மாற்றம் காணவும்
புது ஏற்றம் காணவும்
அயராது உழைத்திடும்
அறிவில் சான்றோரே!
உங்கள் உழைப்புக்கும்
உதவும் பண்புக்கும்
பொறுமை குணத்துக்கும்
இன்னும் பிறவும்
ஈடு சொல்ல ஏதுமில்லை
நன்றி சொல்ல வார்த்தையில்லை
தொடரட்டும் உம் பணி
மலரட்டும் புது மாற்றம் இனி
கல்வியில் சிறந்து
உயர்வுகள் காண
ஓயாது உழைத்திடும்
ஆசிரிய சமுதாயத்திற்கு
மனம் நிறைந்த வாழ்த்துக்கள் .
இனிய ஆசிரியர்தின நல்வாழ்த்துகள்
மழலைக்கவி
கருத்துகள் இல்லை:
கருத்துரையிடுக